পৰভাতে সুমৰোঁ গোৱিন্দ হৃষীকেশ

ৰাগ: শ্যাম

ধ্ৰুং।। পৰভাতে সুমৰোঁ গোৱিন্দ হৃষীকেশ।
          চিদানন্দ মুৰুতি কপট গোপ-বেশ।।

পদ।। সত্য-সনাতন নিত্য নিৰঞ্জন দেৱা।
          অনাদি অনন্ত যোহি বিনে নাহি কেৱা।।

          সোহি প্ৰভু নাম ধৰে নন্দকু-নন্দন।
          কৰোঁ পৰভাতে তযু চৰণ বন্দন।।

          সনক সনন্দ যোগী যাহাকু ধিয়ায়।
          সকল নিগমে যাকু বিচাৰি নাপায়।।

          চতুৰ বয়ন, ভৱ, কৰু যাক সেৱা।
          গোপ-নন্দ ভৱনে বেকত সোহি দেৱা।।

          অৰুণ নয়ন, নখ অৰুণ বৰণ।
          অৰুণ অধৰ, চাৰু অৰুণ চৰণ।।

          নীলমণি নিভ তনু এ জগ-জীৱন।
          কহয় মাধৱ গতি নন্দকু নন্দন।।