ৰাগ: আশোৱাৰী
ধ্ৰুং।। শুনলো পণ্ডিত।
হৰি-পদ-সেৱা-ৰসে থিৰ কৰা চিত।।
পদ।। অনন্ত নিগম-বন গহন অপাৰ।
ভৈল ক্ষীণ বুদ্ধি অৰ্থ কৰিতে বিচাৰ।।
তাৰে দেখি মনে দুঃখ লাগয়ে আমাৰ।
কৰিয়ো সাদৰ ইটো উপদেশ সাৰ।।
তিনিগুণময়-বেদ-বন পৰিহৰা।
গোৱালীৰ হৰে গৈয়া ব্ৰহ্ম চিনি ধৰা।।
উড়খলে যাৰে বান্ধি থৈয়া আছে টানি।
সোহি বেদ-শিৰিৰত্ন-অৰ্থ ভজা জানি।।
যদি হৰি অনন্ত ব্ৰহ্মাণ্ড অধিকাৰী।
তথাপি ভক্তৰ বৈশ্য হোৱন্ত মুৰাৰি।।
তাতেসে বন্ধন হৰি লৈলা যশোদাৰ।
নিৰন্তৰে নিগমৰ এ তত্ত্ব-বিচাৰ।।
যাৰ মায়া পাশে বন্দী ব্ৰহ্মা আদি কৰি।
গোৱালীৰ হাতে বন্দী ভৈলা হেন হৰি।।
ভকতি সমান বলী নাহি নাহি আৰ।
কহয় মাধৱ গতি নন্দেৰ কুমাৰ।।
ধ্ৰুং।। শুনলো পণ্ডিত।
হৰি-পদ-সেৱা-ৰসে থিৰ কৰা চিত।।
পদ।। অনন্ত নিগম-বন গহন অপাৰ।
ভৈল ক্ষীণ বুদ্ধি অৰ্থ কৰিতে বিচাৰ।।
তাৰে দেখি মনে দুঃখ লাগয়ে আমাৰ।
কৰিয়ো সাদৰ ইটো উপদেশ সাৰ।।
তিনিগুণময়-বেদ-বন পৰিহৰা।
গোৱালীৰ হৰে গৈয়া ব্ৰহ্ম চিনি ধৰা।।
উড়খলে যাৰে বান্ধি থৈয়া আছে টানি।
সোহি বেদ-শিৰিৰত্ন-অৰ্থ ভজা জানি।।
যদি হৰি অনন্ত ব্ৰহ্মাণ্ড অধিকাৰী।
তথাপি ভক্তৰ বৈশ্য হোৱন্ত মুৰাৰি।।
তাতেসে বন্ধন হৰি লৈলা যশোদাৰ।
নিৰন্তৰে নিগমৰ এ তত্ত্ব-বিচাৰ।।
যাৰ মায়া পাশে বন্দী ব্ৰহ্মা আদি কৰি।
গোৱালীৰ হাতে বন্দী ভৈলা হেন হৰি।।
ভকতি সমান বলী নাহি নাহি আৰ।
কহয় মাধৱ গতি নন্দেৰ কুমাৰ।।
No comments:
Post a Comment